30 йилга яқин қидирувда бўлган сербиялик Руминияда қўлга олинди

Фото: РИА Новости / Сергей Субботин

1991 йилда геноцид содир этишда гумон қилиниб, Интерпол томонидан 30 йилга яқин қидирилган сербиялик Стеван Б. Руминияда қўлга олинди. Бу ҳақда Руминиянинг Ясси шаҳри полицияси маълум қилди.

Маълум қилинишича, сербиялик Галац портидаги чегарадан ўтказиш пунктида 5 май куни ушланган. Уни ҳибсга олишга ордер Хорватия суди томонидан берилган.

Таъкидланишича, қўлга олинган гумонланувчи 1991-1995 йилларда қуролланган гуруҳ аъзоси сифатида хорватлар ва венгрларга қарши террорчилик ҳаракатларида иштирок этган.