Украинада 7 ёшли бола энг ёш миллионерга айланди

Украина Давлат фискал хизмати раҳбари вазифасини бажарувчи Мирослав Проданнинг маълум қилишича, Украинада ўтган йилда гривнадаги миллионерлар сони 16 фоизга ошди. Бу ҳақда РИА «Новости» хабар бермоқда.

«2017 йилда 1 млн гривна (38 минг доллар)дан ортиқ миқдордаги даромадни 4063 тўловчи декларациядан ўтказди. Аввалги кўрсаткич билан таққослаганда ҳозирги миллионерлар сони 16 фоизга ёки 559 кишига ортди», - деди Продан.

Унинг таъкидлашича, 1 млн гривнадан ортиқ даромадини декларациядан ўтказган энг ёш солиқ тўловчи 7 ёшда, энг ёши каттаси – 99 ёшда.

Проданнинг қўшимча қилишича, фақатгина бир фуқаро 1 млрд гривна (38 млн доллар)дан кўпроқ миқдордаги даромадни декларациядан ўтказган.

Эслатиб ўтамиз, аввалроқ Украинада ЖЧ-2018 трансляцияси ўлим билан тенглаштирилганди.