АҚШ давлат котиби Майк Помпео Шимолий Кореяга музокаралар ўтказгани келди. Бу ҳақда ABC телеканали хабар берди.
Аввалроқ Помпеонинг Шимолий Кореяга жўнагани ҳақида АҚШ президенти Дональд Трамп маълум қилганди. Бу Помпеонинг Шимолий Кореяга охирги икки ой ичидаги иккинчи ташрифидир.
Помпео Трамп ва Шимолий Корея етакчиси Ким Чен Иннинг учрашувига тайёргарликни муҳокама қилади ҳамда Шимолий Кореяда ушлаб турилган 3 америкалик масаласини кўтаради.
Помпео, шунингдек, Трамп ва Ким Чен Ин учрашувининг аниқ санаси бўйича келишиб олади. Помпео сафаридан 3 америкалик билан қайтиши эҳтимол қилинмоқда.
“Биз у учрашув санаси ва ҳибсда ушлаб турилган америкаликларни олиб келишини кутмоқдамиз”, деб айтган номаълум бўлиб қолишни истаган манба.
Шимолий Кореяда корейс миллатига мансуб 3 америкалик ҳибсда ушлаб турилибди. Булар: 2005 йилда ҳибсга олинган пастор Ким Дон Чхоль, 2017 йил апрелида ушланган ўқитувчи Тони Ким ва 2017 йил майида ушланган яна бир ўқитувчи Ким Хак Сон. Улар Шимолий Кореяга қарши душманона қўпорувчи ҳаракатлар содир этишда айбланганлар.
