АҚШнинг Boston Dynamics компанияси Atlas номли роботни югуриш ва сакрашга “ўргатди”. Ушбу жараён акс этган видео компаниянинг YouTube-каналида жойлаштирилган.
33 сониялик роликда робот ўтлоқ бўйлаб одам каби чопаётгани, сўнгра ерда ётган дарахт танаси устидан сакраб ўтгани кўрсатилган.
Аввалроқ Atlas роботи кичик баландликларга чиқиб, у ердан сальто усулида сакраши намойиш қилинган. Роботни яратиш бўйича ишлар 2013 йилдан бери олиб борилмоқда.