Фазлиддин Ғоибназаров навбатдаги жангида ҳам нокаут билан ғалаба қозонди

Америкада 12 май куни кечқурун, Тошкент вақти билан 13 май куни тонгида Рио Олимпиадаси чемпиони Фазлиддин Ғоибназаров профессионал боксдаги тўртинчи жангини ўтказди.

Ғоибназаровга профессионал боксдаги 4-жангида мексикалик Хесус Сильвейрага қарши рингга кўтарилди. Нью-Йоркдаги машҳур Madison Square Garden’да ўтказилган 8 раундлик жангнинг 4-раунди вақтида ўзбекистонлик спортчи рақибини икки марта рингга қулатди ва нокаут билан ғалаба қозонди.

Маълумот учун Фазлиддин профессионал боксда шу кунгача 3 та жанг ўтказган ва уларнинг барчасида ғалаба қозона олган (1 таси нокаут билан).

Унинг рақиби Хесус Сильвейра эса 15 та жанг ўтказган ва шуларнинг 8 тасида ғалаба қозонган (3 таси нокаут билан). 5 та жангда мағлубиятга учраган ва яна иккита тўқнашувда дуранг қайд этган.