Хабарингиз бор, ўтган йилнинг 19 июлидан Тошкент шаҳридаги «Новза» жомеъ масжидида катта кўламдаги қурилиш ишлари амалга ошириб келинмоқда. Бугун, 17 май куни масжидда Рамазоннинг илк таровеҳи адо этилди.
Маълумотларга кўра, масжид намозхонлар учун фаолият олиб бормоқда. Беш маҳал ибодат учун эшиклар доим очиқ. Фақат шу билан бирга у ерда таъмирлаш ишлари бир вақтнинг ўзида олиб борилмоқда. Таҳоратхона тўла битмаган. Мана шундай айрим камчиликларга қарамай, бугунги таровеҳда масжид ҳовлиси намозхонлар билан тўлди.
- Масжидимизда хатмоналар 15 кун давом этади ва ҳар куни 2 порадан ўқилади, - деди масжид имом хатиби Жалолиддин Ҳамроқулов.
