Порошенко Украина вакилларини МДҲнинг барча устав органларидан чақиртириб олди

Фото: Reuters /Valentyn Ogirenko

Украина президенти Пётр Порошенконинг хабар қилишича, Украина вакилларини МДҲнинг барча устав органларидан ортга чақиртириб олиш ҳақидаги фармонни имзолаган. Бу ҳақда РИА «Новости» хабар бермоқда.

«Бугун Украина вакилларини МДҲнинг барча устав органларидан ортга чақиртириб олиш ҳақидаги фармонни имзоладим», - дея маълум қилган у.

Эслатиб ўтамиз, аввалроқ Порошенко мамлакат Қрим кўпригидан Кубань билан алоқалар учун «фойдаланиш» ниятида эканини маълум қилганди. Унинг сўзларига кўра, россияликларга Қрим кўприги «чекиниши учун йўл сифатида» керак бўлади.