Россия ҳарбийлари 2 июлга ўтар кечаси Киев шаҳри бўйлаб баллистик ва қанотли ракеталар, шунингдек, дронлар орқали навбатдаги марта ёпирилма зарба йўллади.
Бу уруш бошидан буён Киевда кузатилган энг йирик ҳужумлардан бири бўлди. Украина пойтахтининг барча районларида вайронгарчиликлар қайд этилган.
Украина бош вазири Юлия Свириденкога кўра, ҳужум оқибатида жами 100 га яқин турар жой бинолари шикастланган, шундан 20 дан ортиқ уйга тўғридан тўғри ракета ёки дрон келиб урилган.
Деснянский районида тўққиз қаватли уй вайрон бўлган, ичкарида одамлар қамалиб қолган. Дарницкий районида битта беш қаватли ва битта тўққиз қаватли уй зарба остида қолган.
Шевченково районида тер ёздам станцияларидан бирининг биноси ҳужумга учраган. Киев шаҳри мэри Виталий Кличконинг хабар қилишича, бу ерда олти нафар тиббиёт ходими яраланган, улардан бири оғир аҳволда.
Valentyn Ogirenko / Reuters / Scanpix / LETA
Украина ички ишлар вазири Игор Клименко Россия ҳужуми оқибатида шаҳарда 20 дан ортиқ уй шикастланганини хабар қилганди. Кейинроқ Украина бош вазири Юлия Свириденко аниқлик киритиб, 20 та уйга тўғридан тўғри ракета ёки дрон келиб урилгани, Киев ўққа тутилиши оқибатида жами 100 га яқин уй у ёки бу даражада шикастлангани ҳақида маълумот берди. Виталий Кличконинг сўзларига кўра, энг жиддий вайронгарчилик Дарницкий районида қайд этилган, бу ерда бинонинг «бир қисми том маънода қулаб тушган».
Efrem Lukatsky / AP / Scanpix / LETA
Roman Pilipey / AFP / Scanpix / LETA
NASA (Fire Information for Resource Management System) кузатув хизмати маълумотларига кўра, тунги ҳужумдан кейин Оболон районидаги Богатирской кўчасида жойлашган WOG автомобилларга ёқилғи қуйиш тармоғига тегишли бўлган нефт базаси ҳудудида катта ёнғин чиққан.
Сўнгги маълумотларга кўра, ҳужум оқибатида камида 18 киши ҳалок бўлиб, 100 га яқин киши жароҳат олган. 3 июл Киевда мотам куни деб эълон қилинди.
