Фото: Getty Images
Хоккей бўйича Данияда бўлиб ўтаётган 2018 йилги жаҳон чемпионатида финалчилар номи маълум бўлди.
Швеция терма жамоаси АҚШ устидан 6:0 ҳисобида йирик ғалабага эришди. Иккинчи ярим финал жуфтлигида Швейцария Канадани 3:2 ҳисобида мағлуб этди.
Шу тариқа, жаҳон чемпионати олтин медали учун Швеция ҳамда Швейцария терма жамоалар курашади. Учрашув 20 май куни, Тошкент вақти билан 23.15 да бўлиб ўтади.
Канада ва АҚШ ҳам эртага, Тошкент вақти билан 18.45да бронза медали учун курашишади.
