Венесуэладаги президентлик сайловлари ғолиби аниқланди

Венесуэланинг амалдаги президенти Николас Мадуро 20 май куни ўтган президентлик сайловларида ғолиб бўлди. Бундан телеэфирда Миллий сайлов кенгаши раҳбари маълум қилган маълумотлар дарак бермоқда.

Айни вақтда бюллетенларнинг 90 фоиздан кўпроғи кўриб чиқилган. Мадурога 5,8 млн киши, унинг ортидан келаётган Энри Фальконга 1,8 млн киши овоз берган.

Таъкидланишича, сайловлар бирор-бир жиддий ҳодисасиз ўтган. Сайловда қатнашишга 20,5 млндан кўпроқ фуқаро таклиф қилинган, бироқ давомат 46 фоиздан бироз кўпроқни ташкил қилган. Аввалги президентлик сайловларида давомат юқори бўлиб, 80 фоизни ташкил қилган.