Пенс: АҚШ КХДРга нисбатан ҳеч қачон ҳарбий вариантни истисно этмаган

Фото: Getty Images

АҚШ вице-президенти Майк Пенснинг Fox News телеканалига берган интервьюсида маълум қилишича, Америка томони Шимолий Кореяга нисбатан ҳарбий вариант имкониятини ҳеч қачон истисно этмаган.

«Ҳарбий вариантни ҳеч қачон истисно этишмаган», - дея айтиб ўтди Пенс.

У бундай баёнотни Шимолий Корея томонининг АҚШ президенти Дональд Трамп ва КХДР етакчиси Ким Чен Ин учрашувини бекор қилиш бўйича таҳдидлари фонида берган.

Эслатиб ўтамиз, аввалроқ Майкл Пенс Трамп КХДР билан саммитдан бош тортиши мумкин экани ҳақида маълум қилганди.