Трамп Ким Чен Ин билан учрашувни бекор қилди
АҚШ президенти Дональд Трамп Ким Чен Ин билан учрашувни бекор қилди. Оқ уй матбуот хизмати хабар беришича, Пхенянга шу ҳақда билдирилган мактуб йўлланган.
«Афсуски кучли ғазаб ва очиқ душманлик билан йўғрилган баёнотингиздан кейин режадаги учрашувни ўтказишдан маъно йўқ деб ҳисоблайман. Сиз ядро соҳасидаги имкониятларингиз ҳақида гапирасиз, аммо бизнинг қуроллар шунчалар кучлики, ҳеч қачон уларни қўллашга тўғри келмаслигини Худодан сўрайман.
Бутун дунё, айниқса Шимолий Корея тинчлик ва фаровонлик ўрнатилиши учун имкониятни йўқотди. Бу бой берилган имконият — тарихнинг қайғули лаҳзаларидир.», — дея ёзган Трамп.
Шу билан биргаликда у келгусида КХДР раҳбари билан учрашишга тайёрлигини қўшимча қилган.
President Trump in letter to Kim Jong Un:
— NBC News (@NBCNews) May 24, 2018
"Sadly, based on the tremendous anger and open hostility displayed in your most recent statement, I feel it is inappropriate, at this time, to have this long-planned meeting." pic.twitter.com/XVvYlvQj5B
12 июнь куни Сингапурда АҚШ-КХДР саммити доирасида икки президент ўртасида учрашув бўлиб ўтиши белгиланганди. Аммо шимолий кореяликлар АҚШ ва Жанубий Корея ўртасида ҳарбий машғулотлар ўтказилиши давом этганидан норози бўлган ва бу учрашув ўтказилиши сўроқ остида қолганди.
Мавзуга оид
21:47 / 06.10.2024
Шимолий Корея «янги давр» бошланганини эълон қилди
20:44 / 04.10.2024
Ким Чен Ин Шимолий Кореяга ҳужум қилинса, ядро қуролидан фойдаланиш билан таҳдид қилди
18:21 / 19.09.2024
Дўстона давлатлар бўйлаб турне. Шойгунинг КХДР, Эрон ва Сурияга ташрифлари ортида нима бор?
14:33 / 10.09.2024