АҚШ ва КХДР саммитини тайёрлаш учун Америка делегацияси Сингапурга йўл олади

Америка маъмурияти жамоаси АҚШ ва КХДР етакчиларининг учрашув майдонини тайёрлаш учун Сингапурга йўл олади, деган Дональд Трампнинг матбуот котиби Сара Сандерс.

«Оқ уйнинг етакчи гуруҳи саммит ўтказиладиган бўлса, тайёргарлик ишларини кўриш учун режалаштирилганидек Сингапурга жўнаб кетади», — дегун у журналистларга.

Аввалроқ Politico нашри Сингапурга Оқ уй ва Давлат департаментининг 30 нафардан ортиқ ходими йўл олишини хабар қилган эди. Уларнинг вазифаси — учрашув жойида логистика масалаларини ҳал қилиш эди. Журнал маълумотларига кўра, гуруҳ у ерга якшанба куни жўнаб кетиши керак эди ва ушбу режалар ҳалигача ўз кучида турибди.

Трампнинг хати

Трамп ва Ким Жонг Иннинг учрашуви 12 июнга режалаштирилган эди, бироқ икки кун муқаддам АҚШ президенти уни бекор қилган эди. Шимолий Корея етакчисига йўллаган хатида Трамп Пёнгянгнинг «душманона» баёнотлари боис мазкур саммитни ўтказмасликни мақсадга мувофиқ деб топганини баён қилган.

Бу баёнот билан агар КХДР ўз ядровий дастуридан воз кечмаса, воқеалар ривожи Ливия сценарийси бўйича давом этишини эътибордан қочирмаслик керак, дея КХДР ва Ливияни тенглаган вице-президент Майк Пенс манзилига шимоллик корейслар томонидан билдирилган танқид назарда тутилган. Пёнгянгдагилар Пенсни «сиёсий вайсақи» деб атаб, АҚШдагиларни «ҳеч қачон бошидан кечирмаган ва хаёлларига ҳам келтирмаган» фожиага гирифтор қилиб қўйишлари мумкинлигидан огоҳлантиришган.

Шу билан бирга Трамп Ким Жонг Ин билан келажакда кўришишга тайёр эканлигини билдирган. Шимолий Корея ТИВ бунга жавобан саммитни исталган вақтда исталган жойда ўтказишга тайёр эканликларини айтишган.