Куба етакчиси Венесуэлани қўллаб-қувватлашини айтди 

Кубанинг янги раҳбари Мигель Диас-Канель халқаро санкциялар олдида Венесуэлани қўллаб-қувватлашини айтди. У илк хорижий сафарини Венесуэлага амалга оширди.

“Биз Америка халқлари Венесуэлага қарши сиёсий, дипломатик, иқтисодий ва молиявий империализмга қарши бирдамлик намоён қиламиз”, деб айтган Диас-Канель Каракасда.

Диас-Канелнинг фикрича, ғарб санкциялари Венесуэлада яқинда ўтган сайловларда Николас Мадуронинг қайта президент этиб сайланганини қонунийликдан маҳрум қилиш мақсадидангина иборат. Бу сайловлар натижалари кўп давлатлар томонидан тан олинмаяпти.

Аввалроқ АҚШ президенти Дональд Трамп АҚШ фуқаролари ва юридик шахсларига Венесуэланинг суверен қарзи ва давлат активлари билан операциялар ўтказишни тақиқлаб қўйганди. Сўнгра Канада ҳам Венесуэлага қарши санкцялар киритган. Шунингдек, Федерика Могерини Европа иттифоқи ҳам бу давлатга қарши яқин ҳафталарда санкциялар киритишини маълум қилган.