ТИВда Корея Республикаси ва Япония элчилари билан музокара ўтказилди

2018 йилнинг 5 июнь куни Ўзбекистон Республикаси Ташқи ишлар вазирлигида Корея Республикасининг фавқулодда ва мухтор элчиси Квон Ён У билан учрашув бўлиб ўтди. Бу ҳақда ТИВ ахборот хизмати хабар бермоқда.

Бўлиб ўтган суҳбат чоғида ҳамкорликнинг турли соҳаларидаги Ўзбекистон-Жанубий Корея муносабатларининг долзарб масалаларига асосий эътибор қаратилди.

Шунингдек, 5 июнь куни Ўзбекистон Республикаси Ташқи ишлар вазирлигида Япония фавқулодда ва мухтор элчиси Нобуаки Ито билан учрашув бўлиб ўтди.

Суҳбат чоғида икки томонлама муносабатларнинг қатор масалалари муҳокама қилинди, Ўзбекистон-Япония мулоқотини фаоллаштиришнинг амалий масалалари, жумладан бўлажак қўшма тадбирлар ва ташрифлар жадвали ва кун тартиби юзасидан фикр алмашилди.