Koch Industries нефть-кимё компанияси эгаларидан бири Чарльз Кох унинг укаси Дэвид Кох умумий бизнесни тарк этаётгани ҳамда “Америкаликлар фаровонлик учун” жамғармаси раҳбари лавозимидан кетаётганини маълум қилди. Чарльз Кохнинг айтишича, укасининг соғлиғи жиддий тарзда ёмонлашган.
Чарльз Кох укаси билан айнан нима юз берганини маълум қилмаган. Шуниси маълумки, Дэвид Кохга 1990-йиллар бошида саратон ташхиси қўйилган. У бу касални енга олганди.
Дэвид Кох акаси билан Forbes нашрининг жорий йилдаги энг бой одамлар рўйхатида 8-ўринни эгаллади. Унинг бойлиги 60 млрд долларга баҳоланган.
Ака-ука Кохлар АҚШ Республикачилар партиясининг бош ҳомийларидан ҳисобланади.
Кохлар охирги йилларда АҚШ сиёсатига тез-тез таъсир қилиб туришган. Компаниянинг собиқ ходимлари ҳозирда АҚШ президенти Дональд Трамп маъмуриятида фаолият юритишади.
