Қатар Британия билан амирликни қўриқловчи эскадрилья ташкил этди

Фото: Flickr / Defence Images

Қатар ва Буюк Британия 2021 йил охиридан бошлаб амирликнинг ҳаво ҳудудини ҳимоялашга жалб қилинадиган эскадрилья ташкил этди. Бу ҳақда амирлик мудофаа вазирлигининг “Ал-Таляиа” журналига Қатар мудофаа вазири Холид бин Муҳаммад ал-Аттийя маълум қилди.

“Қатар ва Буюк Британия икки давлат эҳтиёжлари учун қўлланадиган Typhoon самолётларидан иборат эскадрильяни ташкил этишди. Бу эскадрилья 2021 йил охиридан бошлаб Қатарни қўриқлашга ўтади”, деб айтган ал-Аттийя.

Унинг таъкидлашича, эскадрильяга икки давлат навбати билан қўмондонлик қилади.