Руҳоний тимсоҳ ҳужумидан кейин жон берди

Фото: Warren Little/Getty Images

Эфиопия жанубида тимсоҳ оммавий чўқинтириш маросимини ўтказаётган руҳонийга ҳамла қилган.

Пастор Дохо Эшете Абайа кўли сувига тушиб, биринчи художўйни чўқинтириб бўлиши билан унга тимсоҳ ташланган. Тимсоҳ руҳонийнинг қўл-оёқлари, белларини тишлаб ташлаган. Одамларнинг руҳонийга ёрдам беришга барча уринишлари бесамар кетган. Натижада руҳоний жон берган.

Балиқчилар тимсоҳ руҳонийнинг жасадини олиб кета олмаслиги учун тўр ташлашган. Тимсоҳ қочиб кетган.