Жорий йилнинг июнь-июль ойларида Тошкент шаҳридаги маҳаллаларда қурилиш, таъмирлаш ва ободонлаштириш ишлари амалга оширилади.
Пойтахтнинг 11та туманда жойлашган 88та маҳаллада тегишли ишлар олиб борилади.
Тошкент шаҳри матбуот хизмати бу борадаги ишлар бошланиб кетгани ҳақида маълумот берди. Тақдим этилган фотосуратларда кўриш мумкинки, ишчилар кеча-ю кундуз ишни давом эттиришмоқда. Шаҳар ҳокими Жаҳонгир Ортиқхўжаев эса ишларни жойида назорат қилиб турибди.
Бундан олдинроқ Тошкент шаҳрида қурилиш, таъмирлаш ва ободонлаштириш ишлари амалга ошириладиган маҳаллалар рўйхати эълон қилинганди.
