Трамп афсонавий Муҳаммад Алини оқлаши мумкин

АҚШ президенти Дональд Трамп 2016 йил 74 ёшида вафот этган, 1967 йилда Вьетнамдаги уруш вақтида ҳарбий хизматга боришдан бош тортгани учун 5 йиллик қамоқ жазосига тортилган афсонавий боксчи Муҳаммад Алини ўлимидан кейин оқлаши мумкин.

Трампнинг айтишича, спортчи у афв этиш кўриб чиқаётган бир неча минг номзоддан иборат рўйхатга кирган.

Муҳаммад Али (Кассиус Марселлус Клей) спорт оламидаги энг буюк шахслардан бири. У 1967 йил апрелда ҳарбий хизматга боришдан бош тортгани учун боксчилик лицензияси ҳамда жаҳон чемпиони унвонидан маҳрум этилган. Суд уни армияда хизмат қилишдан бўйин товлашда айбдор деб топган.