CNN Трампга «ишонаётган» ягона етакчини маълум қилди

Россия президенти Владимир Путин АҚШ раҳбари Дональд Трампга ишониши мумкин бўлган жаҳондаги ягона етакчи саналади. Бу ҳақда CNN телеканали хабар бермоқда.

Россияда ҳозирги вақтда хурсанд бўлиш учун кўплаб сабаблар бор. Улардан бири - «Дональд Трампнинг илтифоти», дея таъкидлайди телеканал. У АҚШ президентининг Россияни G8’га қайтариш ниятида эканига оид баёнотини назарда тутган.

АҚШ президенти Дональд Трамп ҳар бир қадамда Қўшма Штатлар ишончсиз иттифоқчи ва энди қолган дунё билан иши йўқ бўлган давлат эканини кўрсатмоқда, деб ҳисоблайди CNN.

Ҳозирги вақтга қадар АҚШ ҳукуматининг манбаларидан бири ўз иттифоқчилари кучини қўллаш эди - АҚШ билан «демократия, эркин савдо, инсон ҳуқуқлари ва шахсга ҳурмат бўйича идеалларга оид умумий позицияга эга» давлатларни. АҚШ раҳбари Дональд Трамп бу давлатлар ва идеаллардан узоқлашиб, Владимир Путинга ўзига хос ёрдам бермоқда, дея қайд этган телеканал.

Материалда айтилишича, Трампнинг бундай хатти-ҳаракатлари АҚШни кучсизлантирмоқда ҳамда унинг рақиблари - Россия ва Хитойни мустаҳкамламоқда.

Шу билан бирга, Россия президенти Владимир Путин ўзини Европадаги ишончли савдо шериги сифатида кўрсатиб, «европалик популистлар муваффақиятида чўмилмоқда», дейилади CNN’да.

Эслатиб ўтамиз, аввалроқ Владимир Путин Москва Вашингтон билан муносабатларни нормаллаштиришга тайёр эканини маълум қилганди.