Трамп Сингапурга Ким Чен Ин билан учрашгани йўл олди

Фото: © AFP

АҚШ президенти Дональд Трамп “Катта еттилик” саммитида иштирок этган Канададан Шимолий Корея етакчиси Ким Чен Ин билан учрашгани Сингапурга жўнади.

Трамп Сингапурга маҳаллий вақт билан 10 июнда соат 20:35да (Тошкент вақти билан соат 17:35да) етиб келиши кутилмоқда. Учрашув 12 июнда бўлиб ўтади.

Аввалроқ Трамп унга Ким Чен Иннинг жиддий ниятдалигини билиши учун бир дақиқа кифоя қилишини айтганди.

АҚШ давлат котиби Майк Помпео АҚШ Шимолий Корея билан тубдан янги муносабатларга интилаётгани, Шимолий Кореянинг тўлиқ ядровий қуролсизлантирилиши масаласида тараққиётга эришишга умид қилаётганини айтган. Унинг таъкидлашича, АҚШ Шимолий Кореяга хавфсизлик кафолатини беришга тайёр, Ким Чен Ин эса “катта стратегик қарорни” қабул қилиши керак бўлади.