АҚШ КХДР билан саммитдан қандай якунни қабул қилиши айтилди

Фото: Getty Images

АҚШ давлат котиби Майк Помпеонинг маълум қилишича, Қўшма Штатлар раҳбарияти Шимолий Корея билан музокаралар жараёни якуни сифатида фақат Корея ярим оролининг тўла ва ортга қайтариб бўлмас ядросизланишига рози бўлади.

«Биз Шимолий Корея билан дипломатик мулоқот орқали эришмоқчи бўлган якуний мақсад ўзгаришсиз қолди. Корея ярим оролининг бутунлай, текшириладиган ва ортга қайтарилмайдиган ядросизланиши - бу АҚШ қабул қиладиган ягона якун», - дея айтиб ўтди Помпео журналистлар билан учрашувда.

Шунингдек, унинг умид билдиришича, саммит келажакдаги самарали музокаралар учун шароитлар яратади.

Эслатиб ўтамиз, аввалроқ Ким Чен Ин Трампга таклиф билан чиққани хабар қилинганди.