Kim Chen In Trampga taklif bilan chiqqan

KXDR yetakchisi Kim Chen In AQSh prezidenti Donald Trampga AQSh - Shimoliy Koreya sammitining ikkinchi raundini Pxenyanda iyul oyida o‘tkazish taklifi bilan chiqdi. Bu haqda «Chunan Ilbo» gazetasi manbaga asosan xabar bermoqda.

Manba so‘zlariga ko‘ra, bunday taklif Trampga KXDR Mehnat partiyasi MQ raisi o‘rinbosari Kim Yon Chxol tomonidan 1 iyun kuni taqdim etilgan maktubda bo‘lgan.

Eslatib o‘tamiz, avvalroq Tramp va Kim Chen Inning uchrashuviga nega aynan kurort orol tanlangani aytilgandi. Qayd etilishicha, Singapurdagi Sentoza oroli odamlar kam bo‘luvchi bunday joyni nazorat qilish qulayligi sababli AQSh va KXDR sammiti uchun maydoncha sifatida tanlandi.