Давлат «Шарқ» нашриётидаги улушини 11 млн долларга сотувга қўйди

Фото: privatization.gkk.uz

«Шарқ» акцияларининг 24,6 фоизи кимошди савдосига қўйилди. Бундан Давлат рақобат қўмитаси маълумотлари дарак беряпти.

Акциялар тўплами 11,2 миллион долларга баҳоланмоқда.

«Шарқ» нашриёт-матбаа акциядорлик компанияси Ўзбекистоннинг энг қадимий полиграфия компаниясидир. Унинг тарихи 1921 йил март ойида ташкил этилган босмахона ва 1924 йилда ташкил топган «Средазкнига» нашриёт уйидан бошланади.

1991 йилда газета-журнал нашриёти ва унинг босмахоналари Ўзбекистон Республикаси президенти девони ишлар бошқармаси ҳузуридаги «Шарқ» нашриёт-матбаа концернига айлантирилди.

Бугунги кунда компания мамлакат ва Марказий Осиёдаги энг йирик газета-журнал мажмуидир.

Компаниянинг асосий акциядори Давлат активларини бошқариш маркази бўлиб, у компания акциялари 95 фоизига эгалик қилади.

#хусусийлаштириш #Шарқ нашриёти