Илҳом Алиев ЖЧ-2018 очилиш маросимига боради

Фото: Global Look Press

Озарбойжон президенти Илҳом Алиев ЖЧ-2018нинг Москвада бўлиб ўтадиган очилиш маросими, шунингдек, биринчи учрашувига ташриф буюради. Бу ҳақда «РИА Новости» хабар қилмоқда.

«Ҳа, давлат раҳбари очилиш маросимида иштирок этади», - дея маълум қилган нашр суҳбатдоши.

Жаҳон чемпионатининг очилиш маросими Москвадаги «Лужники» стадионида 14 июнь куни бўлиб ўтади. Шундан сўнг мусобақанинг илк учрашуви ўтказилади, унда Россия ва Саудия Арабистони терма жамоалари ўзаро куч синашади.

Эслатиб ўтамиз, аввалроқ Путин ЖЧ-2018 иштирокчилари ва ишқибозларга мурожаат билан чиққанди.