«Бу давлат сиёсатига хиёнат». Президент Ёшлар Иттифоқи раисини қаттиқ танқид қилди

12 июнь куни Фарғона вилоятининг Олтиариқ тумани ҳокимлигида президент Шавкат Мирзиёев раислигида вилоят фаолларининг видеоселектор йиғилиши бўлиб ўтди.

Видеоселектор давомида президент тўй кортежини тўхтатиб, келин-куёвни таксига ўтқазиб юборган Ёшлар иттифоқи раиси Қаҳрамон Қуронбоевни кескин танқид қилган ва уни президентнинг сўзларини нотўғри талқин қилишда айблаган.

«Ёшлар билан ишлашда фақат қуруқ гап, мажлисбозлик, тўй кортежини тўхтатиш қилинмоқда. Бошқа нарсани билмайди. Бу ишлар сиёсатга хиёнат. Биласизларми, тўйни тўхтатишдан олдин тўй маънавиятини ота-онасига тушунтириш керак. Қўлингдан келмаса, президент маслаҳатчиси, ўрнингни бўшатиб қўй», дея президентнинг сўзларини келтирмоқда «Kun.uz» мухбири.

Президент Қуронбоев билан боғлиқ вазиятни кўриб чиқишга кўрсатма берган.