АҚШ КХДРга қарши жорий этилган санкцияларни қачон бекор қилиши айтилди

Фото: KCNA/Reuters

Вашингтон КХДРга қарши жорий этилган санкцияларни бекор қилишни режалаштираётгани йўқ, бу фақат унинг бутунлай ядровий қуролсизланиши амалга ошсагина юз беради. Бу ҳақда АҚШ давлат котиби Майк Помпео Япония ва Жанубий Корея ТИВ раҳбарлари билан Сеулдаги учрашувдан сўнг маълум қилди.

«Биз бутунлай ядросизланишга эришишни мўлжалламоқдамиз. Фақатгина ўшанда санкциялар бекор қилинади», - дея айтиб ўтди Помпео.

Унинг сўзларига кўра, Вашингтон «Ким Чен Ин ядросизланиш фавқулодда муҳим эканини тушунаётганидан» умид қилмоқда.

Эслатиб ўтамиз, аввалроқ АҚШ президенти Дональд Трамп КХДР томонидан энди ядровий таҳдид йўқлиги ҳақида айтиб ўтганди.