Халқаро коинот станциясининг илк аёл сардори ўз фаолиятини якунлади

Рекордчи фазогир ва Халқаро коинот станциясининг илк аёл сардори Пегги Уитсон НАСАдаги фаолиятини расман якунлади ва пенсияга чиқди.

“Пегги Американинг куч, иродасининг ҳақиқий рамзига айланди. Унинг фанга содиқлиги, тиришқоқлиги, онги кучи ва ўрганиш истаги нафақат НАСАни, балки бутун мамлакатни илҳомлантиради. Унинг кетиши агентлик томонидан эътиборсиз қолдирилмайди ва биз унга мамлакат ҳамда НАСА учун қилган барча иши учун миннатдорлик билдирамиз”, деб айтган НАСА раҳбари Жим Бриденстайн.

Уитсон НАСАнинг асосий рекордчиларидан бири ҳисобланади. ХКСга жорий экспедиция якунлангунча у нафақат коинотда энг кўп вақт ўтказган фазогир ҳисобланади, балки унга фазогирлар томонидан амалга оширилган очиқ коинотга чиқиш сони бўйича рекордлар тегишли.

Умумий ҳисобда Уитсон ХКС бортида 665 кун ўтказган ва 10 марта очиқ коинотга чиққан. Бу чиқишлар умумий ҳисобда 60 соат 21 дақиқа давом этган.

Пегги НАСАдаги фаолиятини 1986 йилда бошлаган. 10 йил ўтиб у фазогирлар сафига қабул қилинган ва 2002 йилда ХКСга экспедициялар доирасида илк парвозини амалга оширган. 2008 йилда у станциянинг сардори этиб тайинланган ва бунга лойиқ топилган илк аёл бўлган. Уитсон коинотга сўнгги парвозини 2016 йил ноябрда амалга оширган.