Ўзбекистон ва Қирғизистон чегара бўйича навбатдаги музокарани ўтказди

2018 йилнинг 8-14 июнь кунлари Андижон шаҳрида Ўзбекистон Республикаси ва Қирғизистон Республикаси ўртасидаги Давлат чегарасини делимитация ва демаркация қилиш масалалари бўйича икки мамлакат ҳукумат делегациялари ишчи гуруҳларининг навбатдаги учрашуви бўлиб ўтди. Бу ҳақда ТИВ ахборот хизмати хабар бермоқда.

Учрашув доирасида 2017 йил 5 сентябрдаги Ўзбекистон - Қирғизистон Давлат чегараси тўғрисидаги Шартномага киритилмаган участкалардан Ўзбекистон - Қирғизистон чегарасининг ўтиш чизиғини тавсифлаш бўйича иш давом эттирилди.

Қўшма фаолият конструктив асосда ва дўстона руҳда ўтган. Музокаралар якунида тегишли Баённома имзоланган.