«Бурнини тиқиш керак эмас». Мадуро Колумбияни фитнада айблади

Фото: Reuters /Carlos Garcia Rawlins

Венесуэла президенти Николас Мадуронинг маълум қилишича, Колумбия етакчиси Хуан Мануэль Сантос унинг давлатида ҳарбий можаро юзага келишини хоҳламоқда. Бу ҳақда Globovision хабар берди.

Унинг сўзларига кўра, «Сантос АҚШ империясига фойда келтириш мақсадида, Венесуэлада ҳарбий можаро юзага келишини хоҳламоқда».

Шунингдек, унинг қўшимча қилишича, Колумбияда режалаштирилаётган президентлик сайловларида ғалаба қозонадиган шахс «Сантоснинг хатоларини» тўғрилаши талаб этилади.

Мадуронинг қайд этишича, «бошқа мамлакатлар Венесуэла ишларига ўз бурнини тиқиши керак эмас».

Эслатиб ўтамиз, аввалроқ Мадуро Венесуэланинг АДТдан чиқиши миллий байрам бўлишини маълум қилганди.