Тошкент метроси қачон мамлакатнинг ташриф қоғозига айланади? 

Тошкент метросидаги ўзгаришлар ҳақида тарқалган сўнгги янгиликлар одамни хурсанд қилиши аниқ. Энди метрода суратга олиш мумкин, айрим бекатларда эса Wi-Fi пайдо бўлди. Бу, албатта, яхши, бироқ пойтахт метросини янада ривожлантириш билан деярли ҳеч ким шуғулланмаяпти.

Таққослаш учун, Лондон метроси Буюк Британиянинг фахри ҳисобланади.

Uzbekistan.travel расмий сайтида Тошкент метрополитени ҳақида битта ҳам сўз йўқ. Ишонинг, кўплаб мамлакатларда биздаги каби метрога эга бўлишни хоҳлашади. Бизда учта линияга эга, чиройли бекатлари бор метро мавжуд, аммо биз буни қадрлашни ва ундан қандай фойдаланишни билмаймиз. Бизда бор бўлган нарсалардан фахрланиш муҳимдир.

Қандай қилиб керакли жойга етиб бориш мумкин?

Умуман олганда, дунёнинг кўплаб метроларида бекатга кириш қисмида поезд схемасининг чўнтак харитасини топиш мумкин.

Афсуски, Ўзбекистонда бундай оддий амалиёт ҳали йўқ.

Ўз навбатида, бу сайёҳлар ва аҳолининг ҳаракатланишида маълум бир қийинчиликларни келтириб чиқаради. Натижада, сиз ёки вагонда метро харитасини қидиришингиз, ёки бошқа бир йўловчидан мунтазам равишда «Бу Чилонзорми?», «Мен бекатни ўтказиб юбормадимми?», «Ўзбекистон бекатига қандай етиб борса бўлади?», «Бошқа бекатга қаердан ўтади?», деб сўрашга мажбур бўласиз.

Бекатлар номланиши

Ростини айтадиган бўлсак, бизнинг метрода бекатлар номини топиш одатда қийин ишдир. Уларнинг кўпчилиги ҳар 5-10 метрда жойлашган бўлиб, ҳарфлар ранги зерикарли ва қандайдир маъюсдир.

Ушбу фотосуратда сайёҳлар станция номининг фонида суратга тушишмоқда. Ном эса, катта ҳарфлар билан, аниқ ва тушунарли ёзилган.

Бу ерда эса бекатни қандай безаш лозимлигига мисол. Кўрсаткичларга эътибор беринг. Деярли ҳар бир қадамда бекатнинг номи.

Ҳеч ким, айниқса сайёҳ ҳамма жойга аланглаб, «Мен қаердаман?» деган саволни бериб ўтирмайди.

Бизда умуман йўқ бўлган сувенирлар ҳақида эса гапириб ҳам ўтирмаймиз.

Умид қиламизки, профессионал маркетологлар, метрополитен маъмурияти ва Давлат туризм қўмитаси метро билан жиддий шуғулланишни бошлайди. Бир мунча вақт ўтгач, Тошкент метроси Ўзбекистоннинг ташриф қоғозига айланишига умид қилиб қоламиз.