Ўзбекистон ва ИҲТ ўртасидаги ҳамкорлик ривожлантирилади

2018 йилнинг 20 июнь куни Ўзбекистон Республикаси ташқи ишлар вазири Абдулазиз Комилов мамлакатга ташриф буюрган Иқтисодий ҳамкорлик ташкилоти (ИҲТ) бош котиби Ҳалил Иброҳим Акчани қабул қилди. Бу ҳақда ТИВ ахборот хизмати хабар бермоқда.

Учрашувда Ўзбекистон ва ИҲТ ўртасидаги ҳамкорлик ҳолати ва уни ривожлантириш истиқболлари муҳокама қилинди ва савдо-иқтисодий, транспорт-коммуникация ва бошқа соҳалардаги алоқаларга алоҳида эътибор қаратилди, минтақавий ҳамкорликни мустаҳкамлашнинг амалий жиҳатлари юзасидан фикр алмашилди.

Шунингдек, вазир учрашувда иштирок этган Ҳади Сулаймонпурни 2018 йил августидан уч йиллик муддатга ИҲТ бош котиби лавозимига тайинлангани билан табриклади.