АҚШ Жанубий Кореядаги қўшинлари штабини Сеулдан олиб чиқди

АҚШ қуролли кучларининг Жанубий Кореядаги кўмондонлик тузилмалари Сеулдан 70 км узоқликдаги янги бош қароргоҳга кўчирилди. Бу ҳақда АР маълум қилди.

Таъкидланишича, АҚШнинг Жанубий Кореядаги қўмондонлиги бош қароргоҳи АҚШ қўшинлари бу мамлакатда жойлаштирилгандан кейин 70 йил давомида Сеулнинг Ренсан туманида бўлган.     

Янги бош қароргоҳ Пхентэк порти яқинидаги Кэмп Хампфрис ҳарбий объекти ва ҳарбий-ҳаво кучларининг базасида, 1,5 минг гектар майдонда жойлашган. Бу АҚШнинг хориждаги энг йирик ҳарбий объекти ҳисобланади. Базанинг қурилишига 11 млрд доллар сарфланган.