Трамп Путин билан қуролланиш пойгасини муҳокама қилмоқчи

АҚШ президенти Дональд Трамп Россия етакчиси Владимир Путин билан ташкиллаштириладиган учрашув чоғида қуролланиш пойгаси масаласини муҳокама қилишни режалаштирмоқда. Бу ҳақда РИА «Новости» хабар берди.

«Биз сайёрамизда юз бераётган воқеа-ҳодисалар ҳақида гаплашамиз. Тинчлик (peace) ҳақида сўз юритамиз. Биз ҳаттоки қуролларга сарфланаётган миллионлаб долларларни тежаб қолиш ҳақида фикр алмашишимиз мумкин... биз аввал ҳеч ким ва ҳеч қачон кўрмаган кучни яратмоқдамиз», - дея айтиб ўтган Трамп.

Аввалроқ, Дональд Трамп Россияга нисбатан жорий этилган санкцияларнинг бекор қилиниши унинг хатти-ҳаракатларига боғлиқ эканини айтганди.

Эслатиб ўтамиз, бундан аввал Трамп Путин билан Сурия бўйича келишувга эришмоқчи экани маълум қилинганди.