AQSh prezidenti Donald Tramp Rossiya yetakchisi Vladimir Putin bilan Xelsinkidagi o‘zaro uchrashuv chog‘ida Suriyadan Amerika qo‘shinlarini olib chiqib ketish masalasini muhokama qilmoqchi. Bu haqda CNN manbalarga asosan xabar bergan.
Telekanal ma'lumotlariga ko‘ra, Tramp Suriya janubi-g‘arbiy tumanlaridan AQSh qo‘shinlari va Amerika pozitsiyasiga yaqin bo‘lgan birlashmalarni olib chiqib ketishga tayyor. Faqat bunda Rossiya Eronga ushbu tumanlarga kirishni taqiqlab qo‘yishi talab etiladi.
Ta'kidlanishicha, Trampning fikricha, amerikalik harbiylar Suriyani imkon qadar tezroq tark etishi lozim. Shuning uchun u janubi-g‘arbiy tumanlarni Suriya Arab Respublikasi hukumat qo‘shinlari nazoratiga berishga tayyor.
Eslatib o‘tamiz, avvalroq Tramp Putin bilan nima haqida gaplashishi ma'lum qilingandi.
