АҚШ дунёда энг кучли ядро арсенали ва ҳарбий космик кучларни шакллантиради

Америка Қўшма Штатлари дунёдаги энг кучлиядро қуроллари захирасини шакллантиради. Мамлакат президенти Дональд Трамп ҳеч ким Вашингтон билан ҳазиллашишни хоҳламаслиги учун шундай қилиши ҳақида баёнот берди, деб хабар қилмоқда РИА Новости.

У бу ҳақда Монтанада ташкил этилган митингда сўз юритган. «Биласизми, кучли ядро қуроли нима учун керак? Ундан фойдаланиш учун эмас. Балки, ҳеч ким АҚШ билан ҳазиллашишни хоҳламаслиги учун», — деган Трамп. 

АҚШ етакчиси, шунингдек, нима учун Пентагонга ҳарбий-космик кучларни шакллантириш учун кўрсатма берганини ҳам изоҳлаган. Унинг фикрича, бу «ҳарбий заруратдир». 

Оқ уй раҳбари, Россия ва бошқа давлатларнинг бу борада билдирган хавотирларига жавобан, «жуда афсусда» эканини таъкидлаган.

«Бюджетда сақлаб қолган пулларимизнинг барчасини мен космик кучларни шакллантириш учун Пентагонга йўналтираман. Бизда ҲҲК бор, бизда ҳарбий-космик кучлар ҳам бўлиши керак. Биласизми, одамлар бундан қанчалик фахрланишди. Бу фақат Ойга ракета учириш эмас. Бу ҳарбий заруратдир», — деган Трамп.