Тошкентда отлар паради ўтди

7 июлда Тошкентда ўтган отлар паради пойтахт марказида юзлаб одамларни йиға олди. Тошкент шаҳри аҳолиси ва унинг меҳмонлари унутилмас томошанинг гувоҳи бўлишди. Парадда Ўзбекистон Давлат хавфсизлиги хизмати чегара қўшинлари, Ички ишлар вазирлиги қошидаги патруль-пост хизмати ва жамоат тартибини сақлаш Бош бошқармаси, Ўзбекистон Республикаси Миллий гвардия отлиқ эскадрони ходимлари, шунингдек республиканинг турли от спорти йўналишлари бўйича терма жамоаларининг етакчи спортчилари иштирок этишди.

Бу каби тадбирлар дунёнинг турли мамлакатлари учун ноёб ҳодиса эмас. Аммо Ўзбекистон учун ушбу флешмоб биринчиси бўлди. Шу тарзда ташкилотчилар республиканинг от спорти соҳасини “бўй-басти билан” кўрсатиб беришга интилишди, жамоатчиликнинг эътиборини от спорти турларига қаратиш, ўсиб келаётган авлод орасида от спортини оммалаштиришга ҳаракат қилишди.

Бу ишга шунингдек мамлакатнинг куч тузилмалари ходимлари, машҳур спортчилари ўз ҳиссаларини қўшишди. Улар тантанали хизмат ва спорт кийимларида, Ўзбекистон байроғини баланд кўтарган ҳолда Тошкентнинг марказий кўчалари бўйлаб марш қилиб юришди.

Бугунги парадда 80 га яқин зотдор отлар иштирок этди. Умумжаҳон ўлчовлар бўйича бундай миқдордаги жониворлар билан ўтган бу парадни йирикларидан бирига киритиш мумкин. Бу борадаги охирги жаҳон рекорди 2017 йил БААда 116 та от иштирокида қўйилган.