Путин Россия номидан ЖЧ мезбонлиги ваколатини Қатарга топширди

Россия Федерацияси президенти Владимир Путин Қатарга 2022 йилги жаҳон чемпионати ўтказиш ваколатини топширди. Қатар амири Тамим ибн Ҳамад Ол Тоний иштирокидаги рамзий маросим Кремлда ўтказилди.

Путин амирга ЖЧ-2018 турнирининг расмий тўпини топширган.

Бугун Москвдаги «Лужники» стадионида Франция ва Хорватия терма жамоалари жаҳон чемпионати финал учрашувини ўтказиб, турнирни якунлаб беришади. Ўйин Тошкент вақти билан соат 20:00да бошланади. Ўйинда Россия ва Қатар раҳбарларидан ташқари, Франция ва Хорватия раҳбарлари ҳам иштирок этишади.

2018 йилги жаҳон чемпионати 14 июнь кун старт олганди. Ўйинлар Москвадан ташқари Санкт-Петербург, Қозон, Нижний Новгород, Сочи, Самара, Волгоград, Саранск, Калининград, Екатеринбург ва Ростовда ҳам ўтказилди.

Қатар навбатдаги, ҳисоб бўйича 22-чемпионатга мезбонлик қилади. Турнир 2022 йилнинг 21 ноябридан 18 декабргача бўлган муддатда ўтказилади.

Қатар мезбонлиги 2010 йилнинг 2 декабрида маълум бўлганди.