«Тошшаҳартрансхизмат» раиси ўзгарди

Моҳирхўжа Валиев “Тошшаҳартрансхизмат” акциядорлик жамияти раиси лавозимига тайинланди. Бу ҳақда Тошкент шаҳар ҳокимлиги ахборот хизмати хабар бермоқда.

У бунга қадар “US ATI” масъулияти чекланган жамияти бош директори лавозимида ишлаган.

Моҳирхўжа Валиев 1983 йил Тошкент шаҳрида туғилган. Тошкент давлат иқтисодиёт университетини тамомлаган (2005).

2014-2017 йилларда - “Тошшаҳартрансхизмат” акциядорлик жамияти раисининг молиявий иқтисодий масалалари бўйича ўринбосари лавозимида ишлаган. 2017 йилда - “AZIA ABM TRANS” масъулияти чекланган жамияти директори лавозимида ишлаган.

2017 йилнинг май ойидан бери “Тошшаҳартрансхизмат” раиси сифатида ишлаб келган Анвар Жўраев қаерга ишга ўтказилгани ҳозирча номаълум.