Чевараларини ёнғиндан қутқармоқчи бўлган 70 ёшли аёл ҳалок бўлди

Фото: REUTERS

АҚШнинг Калифорния штати шимолига ёйилган ёнғин 70 ёшли аёл ва унинг икки нафар чеварасининг ҳам умрига завол бўлди.

Маълум қилинишича, кекса аёл ёнғин уй атрофини ўраб олганига қарамай, унинг ичида қолган икки нафар чеварасини қутқариш учун оловга қарши юрган.

Якшанба куни эълон қилинган маълумотга кўра, Калифорниядаги ёнғин туфайли айни пайтда икки нафар ўт ўчирувчи ҳалок бўлди, яна 12 киши бедарак йўқолган. Штат расмийларининг таъкидлашича, шу чоғга қадар 38 минг киши яшаб турган уйларидан кўчирилган.

Штат маркази Сакраментодан 257 км узоқликдаги Реддинг шаҳрида вазият «қизил» даражада бўлиб қолмоқда.