Роберт Мюллер/Фото: AP
Европа парламентидаги либераллар фракцияси раҳбари Ги Верхофстадтнинг твиттерда маълум қилишича, Европага АҚШ махсус прокурори Роберт Мюллер каби шахс керак.
Унинг сўзларига кўра, Европага «Россия ҳужумлари»ни текшириш учун «ўз Мюллери» керак бўляпти.
Шунингдек, у Европада ўз демократиясига амалга оширилган «рус ҳужумлари»ни тергов қилиш мажбурияти борлигини таъкидлади.
Верхофстадтнинг қўшимча қилишича, бу ғояни ЕПда илгари суриш ниятида.
Эслатиб ўтамиз, аввалроқ Трамп «Россия иши» бўйича баъзи саволларга жавоб қайтаришга рози экани хабар қилинганди.
