Қўшимча функционаллар
-
Тунги кўриниш
Жаҳон | 21:30 / 30.07.2018
8805
1 дақиқада ўқилади
NASA Юпитерда юз берган бўрон суратини эълон қилди
Фото: NASA / JPL-Caltech
NASA Юпитернинг жанубий экваториал ҳалқасида содир бўлган ғайриоддий қизил бўронлар фотосуратини эълон қилди.
Сурат Juno космик кемаси ёрдамида олинди.
Суратда йирик бўронга иккита кичикроқ "бўрончалар" ҳамроҳлик қилаётгани акс этган. Олимлар бу ҳодисани Қуёш тизимидаги энг йирик атмосфера бўрони – Катта қизил доғ билан чалкаштирмаслик кераклигини таъкидлашмоқда.
Ҳалигача ўрганилмаган "хромофор" кимёвий моддаси ҳисобига бўрон "қизил-жигарранг" тусга киради.
Juno Юпитерни ўрганиш учун 2011 йил 5 августда учирилган ва 2016 йил июлда сайёра орбитасига кирган. Унинг ёрдамида сайёранинг гравитацион ва магнит майдонлари ўрганилади ҳамда Юпитерда қаттиқ ядро мавжудлиги ҳақидаги тахмин текшириб кўрилади.
