Макгрегорга Нурмагомедов билан жанги олдидан маслаҳат беришди

Фото: MMA Fighting

Собиқ UFC жангчиси Олег Тактаров ирландиялик Конор Макгрегорга россиялик Ҳабиб Нурмагомедов билан жанги олдидан маслаҳат берди.

«Мен Конорнинг охирги жангларини кўрдим, у бурнидан жуда ёмон нафас олди ва иккинчи раунддан сўнг партерга тушганида чарчаб қолди.

Макгрегор ҳеч бўлмаса бир ой тоғларда машғулот ўтказса яхши бўларди. Боксчи 12 раунд давомида чарчамаслиги, курашчи эса уч соат чарчамаслиги мумкин, аммо боксчи кураш тушишни ва курашчи бокс тушишни бошласа, беш дақиқадан кейиноқ чарчаб қолишади», — деди Тактаров.

Эслатиб ўтамиз, 70 килограммгача вазн тоифасида UFC чемпиони Нурмагомедов ва даъвогар Макгрегор ўртасидаги жанг 6 октябрда Лас-Вегасда бўлиб ўтади.

#Конор Макгрегор #Ҳабиб Нурмагомедов