2018 йилнинг биринчи ярим йиллигида Тожикистон иқтисодиётига давлат бюджетидан 9.5 млрд сомоний (қарийб 1 млрд АҚШ доллари) сарфланади. Бу ҳақда “Авеста” хабар бермоқда.
Молия вазирлиги маълумотига қараганда, давлат маблағларининг кўп қисми ижтимоий соҳаларга йўналтирилади. Ушбу миқдор 4 млрд сомоний (424.6 млн АҚШ доллари)ни ташкил этади.
Бу даврда иш ҳақи миқдори 2.2 млрд сомонийга етди. Инвестицион лойиҳаларни реализация қилишда кредит ва грантларни ажратиш харажати 10.3 млрд сомонийдан (1.1 млрд АҚШ долларидан қўпроқ) ошди. Давлат бюджетида 1.4% ўсиш кузатилди.
