Беларусь компанияси Ўзбекистонда велосипед ишлаб чиқаришни бошлайди

Фото: TUT.by

Беларусь компанияси Ўзбекистонда велосипед ишлаб чиқаришни бошлайди, деб хабар берди БелТА.

«Мотовелозавод» МЧЖ Ўзбекистоннинг Андижон вилояти ҳокимлиги билан вилоят ҳудудида велотехника ишлаб чиқаришни ташкил этиш ниятида келишувга эришди», - дейилади хабарда.

Маълум бўлишича, томонлар биринчи навбатда велосипед ишлаб чиқаришни бошлайдиган қўшма корхона ташкил этишади, келажакда мотоцикллар ишлаб чиқарилади.

Томонлар ташкил этилаётган корхонага Ўзбекистонда хорижий инвестициялар иштирокидаги бошқа қўшма корхоналар учун ўрнатилган имтиёз ва преференцияларни тақдим этиш тўғрисида ҳам келишиб олган.