АҚШ ва Хитой икки кунлик савдо музокараларини якунлади

Фото: REUTERS

Америка Қўшма Штатлари ва Хитой вакиллари икки кунлик савдо музокараларини якунлади. Бу ҳақда Reuters Оқ уй баёнотига таянган ҳолда хабар бермоқда.

Таъкидланишича, музокаралар чоғида томонлар «иқтисодий муносабатларда адолат, мувозанат ва ўзаро ҳамжиҳатликка эришиш» масалаларини муҳокама қилишди.

Шунингдек, баёнот муаллифлари музокараларда иштирок этиш учун Қўшма Штатларга вакиллари ташриф буюрганлиги учун Хитой делегациясига миннатдорлик билдирди.

Эслатиб ўтамиз, аввалроқ АҚШ ва Хитой савдо урушида зарбалар алмашгани хабар қилинганди.