Эквадор Венесуэла фуқароларига ён босди

Эквадор Венесуэла фуқароларига вақтинча мамлакатга паспортсиз киришга рухсат берди. Бу ҳақда El Commercio хабар бермоқда.

Нашр маълумотларига кўра, Венесуэла фуқароларининг киритилиши 45 кунга рухсат берилган.

Таъкидланишича, ушбу қарор Эквадор суди томонидан инсон ҳуқуқларини ҳимоя қилиш ташкилотлари даъво аризаси билан чиққани учун қабул қилинди.

Аввалроқ, Эквадор ҳукумати Венесуэладан қочқинлар сонининг ортиб кетгани туфайли мамлакатнинг бир қисмида фавқулодда ҳолат жорий этгани хабар берилган эди.

Эслатиб ўтамиз, бундан аввал Колумбия ҳарбий вертолётлар туфайли Венесуэлага норозилик нотаси юборганди.