Австралия ҳукуматида янги вазирлар тайинланди
Австралиянинг янги ташқи ишлар вазири Мариза Пейн, мудофаа вазири Кристофер Пайн бўлди. Бу ҳақда мамлакатнинг янги бош вазири Скотт Моррисонга иқтибос келтирган ҳолда АВС телеканали маълум қилди.
Телеканал маълумотларига кўра, яна бир қанча янги вазирлар тайинланган. Жумладан, мудофаа саноати ишлари бўйича вазир этиб собиқ савдо вазири Стивен Чиобо тайинланган. Унинг аввалги ўрнини Симон Бирмингем эгаллаган. Энергетика вазири лавозимига Ангус Тейлор, атроф-муҳит вазири лавозимига эса Мелисса Прайс тайинланган.
Аввалроқ эндиликда собиқ ташқи ишлар вазири Жули Бишоп бош вазир лавозимига сайловларда ютқазгандан кейин ўз лавозимидан кетишини эълон қилганди.
24 августда ҳукумат ғазначиси Скотт Моррисон Австралия Либерал партиясининг янги етакчиси ва мамлакатнинг янги бош вазири этиб сайлангани маълум қилинди. Моррисон сайловларнинг 2-турида Бишопни 40 овозга 45 овоз билан ортда қолдирган.
Мавзуга оид
23:17 / 10.09.2024
Австралияда ўсмирларга ижтимоий тармоқлардан фойдаланиш тақиқланиши мумкин
21:09 / 02.09.2024
Австралиядаги боғда йўлбарс ҳайвон ўргатувчига ҳужум қилди
18:42 / 27.08.2024
Австралия халқаро талабаларни қабул қилишга чеклов киритади
19:59 / 26.08.2024