«Рома»ни яна бир футболчи тарк этди

«Рома» яримҳимоячиси Кевин Строотман Франциянинг «Марсель» клубига ўтди. 

Провансалликлар 28 ёшли футболчининг трансфери учун 25 миллион евро тўладилар ва у билан 4 йиллик шартнома имзоладилар.

Строотман «Рома»га 2013 йилда ўтган эди. У жамоа таркибида жами 130та ўйин ўтказиб, 13та гол урган.

Эслатиб ўтамиз, аввалроқ «Рома»ни дарвозабон Алиссон, яримҳимоячи Ража Наингголан ва ҳужумчи Хуан Итурбе ҳам тарк этганди.